தமிழ்நாடு அம்பேத்கர் சட்டப்பல்கலைக்கழகத்தின் 2022 - 2023 ஆம் கல்வியாண்டிற்கான அட்மிஷன் தற்போது நடைபெற்று வருகிறது. அதில் 5 வருட படிப்பான B.A.LL.B படிப்புக்கான இரண்டாம் கட்ட கட்-ஆஃப் மதிப்பெண்கள் வெளியிடப்பட்டுள்ளன. கலந்தாய்வு தேதி, சான்றிதழ் சரிபார்ப்பு நாள் உட்பட வெளியிடப்பட்டுள்ளது.
அவற்றின் அடிப்படையில் மாணவர்களின் பிரிவு வாரியாக அவர்களுக்கான கட்-ஆஃப் மதிப்பெண்கள் ஒதுக்கீடு செய்யப்பட்டுள்ளது. அது மட்டுமின்றி அந்த அறிவிப்பில் ஒரிஜினல் சான்றிதழ்கள் சரிபார்ப்பு நாள், கலந்தாய்வு நாள், இடம் ஒதுக்கீடு செய்யப்படும் நாள் , மாணவர்கள் கல்லூரியில் சேர வேண்டிய நாள் உட்பட வெளியிடப்பட்டுள்ளது.
அதன்படி, OC என்று சொல்லக்கூடிய ஓப்பன் கேட்டகிரி மாணவர்களுக்கு மெரிட் லிஸ்டில் இடம்பிடிக்க 90.750 கட்-ஆஃப் மதிப்பெண் நிர்ணயிக்கப்பட்டுள்ளது. பிற்படுத்தப்பட்ட வகுப்பை (BC) சேர்ந்த மாணவர்களுக்கு மெரிட் லிஸ்டில் இடம்பெற 84.000 மதிப்பெண்ணும், வெயிட் லிஸ்டில் இடம்பெற 83.000 மதிப்பெண்ணும் பெற்றிருக்க வேண்டும்.
அதே போல, முஸ்லீம் பிற்படுத்தப்பட்ட (BCM) வகுப்பினருக்கு 82.912 மற்றும் 82.500 மதிப்பெண்ணும், மிகவும் பிற்படுத்தப்பட்ட வகுப்பினர்(MBC) மற்றும் சீர்மரபினர்(DNC) வகுப்பை சேர்ந்த மாணவர்களுக்கு மெரிட் லிஸ்ட் 83.422 மற்றும் வெயிட் லிஸ்ட் 82.840 கட்-ஆஃப் மதிப்பெண் இருக்க வேண்டும்.
பட்டியல் சாதியினர்(SC) 82.778 மற்றும் 82.343 கட்-ஆஃப் மதிப்பெண் எடுத்திருக்க வேண்டும். SC(A) வகுப்பினருக்கு 80.745 மற்றும் 80.250 மதிப்பெண்ணும், பழங்குடியின வகுப்பினருக்கு (ST) 69.000 மற்றும் 67.000 கட்-ஆஃப் மதிப்பெண்ணும் இருக்க வேண்டும் என்று கூறப்பட்டுள்ளது.
இவர்களுக்கான ஒரிஜினல் சான்றிதழ் சரிபார்ப்பு 13/10/2022 முதல் 14/10/2022 வரை நடைபெறும். கலந்தாய்வு 16/10/2022 முதல் 17/10/2022 வரை இரண்டு நாட்கள் நடைபெறும். இவை முடிந்த பிறகு 19/10/2022 மாணவர்களுக்கு ஒதுக்கப்பட்டுள்ள கல்லூரிகளின் விவரம் அறிவிக்கப்படும். ஒதுக்கீடு முடிவுகள் மாணவர்களின் மின்னஞ்சலுக்கு அனுப்ப படும்.
கல்லூரிகளில் ஒதுக்கீடு செய்யப்பட்ட மாணவர்கள் அந்தந்த கல்லூரிகளில் 19/10/2022 முதல் 21/10/2022 வரைக்குள் இணைந்து விட வேண்டும் என்று பல்கலைக்கழகத்தின் சார்பில் வெளியிடப்பட்ட அறிவிப்பில் தெரிவிக்கப்பட்டுள்ளது.
Post a Comment