அரசு பள்ளி மாணவர்களுக்கு நீட், ஜெஇஇ (NEET and JEE Main exams) தேர்வுகளுக்கான இலவச பயிற்சி துவங்கும் தேதி அறிவிப்பு!
ஒவ்வொரு ஆண்டும் அரசுப்பள்ளி மற்றும் அரசு உதவி பெரும் பள்ளிகளில் பயிலும் போட்டி தேர்வுகள் எழுத இருக்கும் மாணவர்களுக்கு அரசு சார்பில் பயிற்சி அளிக்கப்பட்டு வருகிறது.
இந்த 2022-2023 ஆம் கல்வியாண்டிற்கான 11 மற்றும் 12ஆம் வகுப்பு படிக்கும் மாணவர்களுக்கு பயிற்சி நவம்பர் மூன்றாவது வாரம் சனிக்கிழமையிலிருந்த்து துவங்கப்பட உள்ளது.
அதற்கான வழிகாட்டுதல்கள் மற்றும் நெறிமுறைகளை தமிழ்நாடு பள்ளிக்கல்வி துறை தற்போது வெளியிட்டுள்ளது. தமிழகம் முழுவதும் ஒவ்வொரு மாவட்டத்திலும் உள்ள ஒன்றியங்களுக்கு ஏற்ப 412 பயிற்சி மையங்கள் தற்போது நடைமுறையில் உள்ளன.
இவற்றில் தமிழ்வழி ஆங்கிலவழி என தனி தனியாக உள்ளன. மாணவர்கள் தங்களது பயிற்றுமொழி தேவைக்கேற்ப தேர்ந்தெடுத்து கொள்ள வேண்டும்.
பயிற்சி பெறுவதற்கான தகுதிகள்:
போட்டி தேர்வு எழுதுவதற்கான பயிற்சி பெற விரும்பும் மாணவர்கள் 12ஆம் வகுப்பாக இருந்தால் 11 ஆம் வகுப்பு பொதுத்தேர்வில் எடுத்த மதிப்பெண் அடிப்படையிலும் , 11ஆம் வகுப்பு மாணவர்கள் 10ஆம் வகுப்பு பொதுத்தேர்வில் எடுத்த மதிப்பெண் அடிப்படையிலும் தேர்வு செய்யப்படுவார்கள்.
இதில் OC , OBC பிரிவை சேர்ந்த மாணவராக இருந்தால் பொதுத்தேர்வில் 60 சதவீதம் மதிப்பெண்ணும், SC, ST, PH ஆகிய பிரிவுகளை சேர்ந்த மாணவராக இருந்தால் 50 சதவீதம் மதிப்பெண்ணும் பெற்றிருக்க வேண்டும்.
அதே போல், 12ஆம் வகுப்பு மாணவர்கள் ஒரு ஒன்றியத்திற்கு 50 பேரும், 11ஆம் வகுப்பு மாணவ்ர்கள் ஒரு ஒன்றியத்திற்கு 20 பேரும் மட்டுமே தேர்வு செய்ய படுவார்கள். இந்த மாணவர்களுக்கு பயிற்சி பெற்ற பாட ஆசிரியர்கள் வகுப்பு எடுப்பார்கள்.
மையங்களில் வருகை பதிவேடு, மதிப்பெண் பதிவேடு, உள்ளிட்டவையும் கட்டாயமாக பின்பற்ற படும். குறிப்பாக வகுப்புகள் நேரடி முறையில் நடைபெறும்.
மாணவர்கள் குறித்த விவரங்களை சேகரித்து வழங்க கூறி தமிழ்நாடு பள்ளி கல்வித்துறை மாவட்ட முதன்மை கல்வி அலுவலர்கள் தலைமை ஆசிரியர்கள் மற்றும் கல்வி ஆசிரியர்களுக்கு வழிகாட்டுமாறு சுற்றறிக்கை விடப்பட்டுள்ளது.
Post a Comment